Navigare necesse est

Aquí empeza o blog de ASBIGA. Temos un e-mail, un teléfono (646107713), unha oficina na CABES, unha páxina no Facebook. Pero por riba de todo temos un corazón moi grande, que nos axuda a facer cousas e a perdonarnos cando non as facemos. Nese corazón pensaron Demócrito e Plutarco cando, collendo a palabra dun poema homérico, chamaron “eutimia” á paz interior, á ecuanimidade, á tranquilidade da alma. Hoxe “eutimia” é para a Psiquiatría o período de estabilidade emocional que media entre a manía e a depresión. Que as dúas “eutimias”, que non son senón unha, nos acompañen nesta necesaria navegación.