Recomendamos libro: A antesala luminosa – Antonio Tizón

XG00212501Hoxe queremos recomendarvos un libro chamado “A antesala luminosa” do escritor Galego Antonio Tizón. O protagonista (Gustavo) ten diagnosticado trastorno bipolar y na novela conta a historia dende dous puntos de vista distintos. Lése axiña e engancha dende o primeiro momento:

O inspector Sánchez investiga a identidade de dous cadáveres calcinados que aparecen nas inmediacións da praia coruñesa do Matadoiro en plena madrugada de San Xoán do ano 2000. Axiña descobre que un deles pode ser Gustavo Gallego, un curmán do comisario, a quen se lle encomenda a misión de atopar o seu familiar desaparecido. Cando comproba que está vivo, inicia a súa busca por distintas cidades mentres vai lendo unha novela escrita polo fuxitivo en terceira persoa que só contén capítulos pares, polo que os feitos narrados polo inspector en primeira persoa funcionan a modo de capítulos impares. Estamos, pois, ante dúas medias novelas que se complementan nun xogo metaliterario nada complicado para o lector. Unha das historias transcorre en doce días e a outra alóngase durante vinte anos; están escritas con diferentes estilos. Crime, intriga, corrupción, impunidade, whisky abundante, sexo, prostíbulos, garitos de xogo… presiden unha das historias; a outra trata sobre o amor, a convivencia, o demo, o inferno –a loucura– como tema catalizador, como antesala luminosa da morte. Estamos ante unha novela mestiza, mulata. Unha novela que paga a pena ler como contribución a un xénero negro menos xenuíno e máis transcendente.

Podedes visitar tamén os seguintes ligazóns para máis información:

http://www.xerais.es/libro.php?id=3546592

http://blog.xerais.gal/2015/novela-con-moitos-significados-profunda-e-divertida-a-antesala-luminosa-de-antonio-tizon-texto-de-jesus-cubillo/ no que lle fan una boa crítica.

Acerca de asbiga

asbiga@asbiga.org Tf: 675939716 Séguenos en facebook: https://www.facebook.com/ASBIGA Tamen en INSTAGRAM @AsbigaGalicia
Esta entrada foi publicada en Libros e etiquetada , , , . Garda a ligazón permanente.

Deixa unha resposta

O teu enderezo electrónico non se publicará